مولتن كيك بطريقة سهله وبسيطة

لــ عمل المولتن كيك هنحتاج قوالب المولتن كيك والأتي :

  • شيكولاتة خام انا بعمل حوالي اربع مكعبات منها بيعملو اتنين بالظبط .
  • كوباية سمنة او زبدة .
  • اربع معالق سكر بودرة .
  • ٣ معالق دقيق ومعلقة كاكاو خام .
  • اربع بيضات .
  • كيس فانيليا .

طريقة تحضير المولتن كيك :

  • الاول ببشر الشيكولاتة وبعدين بسيح السمنة ع نار هادية  .
  • بخلط الشيكولاتة مع السمنة لحد ماالشيكولاتة تدوب خالص .
  • بضرب السكر والبيض والفانيليا مع بعض .
  • وبعدين اخلط عليهم الشيكولاتة والسمنة .
  • وبعد مايتمزجو مع بعض احط عليهم الدقيق والكاكاو ونقلب كويس جدا .

التكة بقي اللي ظبطتها معايا هي دهان القالب والتسوية  .

القالب بدهنة سمنه واحط فيه شوية دقيق زي مابنعمل للكيكة كدة عشان ماتلزقش فيه والتسوية بقى انا بسويها في الفرن الكهربا ع حرارة ٢٠٠الرف اللي في النص واشغله من تحت بس وبحط القوالب في صاج او صينية وبعد مالجوانب تستوي كويس بقفل من تحت واشغل الشوايه خمس دقايق او لحد مالوش يمسك شوية عشان لما نقلبها من القالب ماتفتحش ويبوظ شكلها