Flash Sale! to get a free eCookbook with our top 25 recipes.

طريقة عمل كيكة عاديه سادة

لـــ تحضير الكيكة العادية السادة هنحتاج الأتي : 

المكونات :

طريقة عمل الكيكة

  • 4 بيضات  .
  • 2 باكيت فانيليا .
  • 1 باكيت بيكينج بودر .
  • 1,5كوبايه سكر  . 
  • 1 كوبايه لبن كامل الدسم .
  • 1 كوبايه زيت .
  • 2,5 كوبايه دقيق  .
  • رشه ملح صغيره .

طريقة تحضير الكيكة :

  • هنجيب الخلاط و نحط فيه ال 4 بيضات و 2 باكيت فانيليا و السكر فوق بعض و هنشغله علي سرعه عاليه لمده دقيقتين بعد كدا هنوقف الخلاط وهنضيف الزيت واللبن عليهم ونشغلهم تاني لمده دقيقه الي ان نحصل علي خليط  متجانس و مظبوط .
  • هنجيب طبق غويط ونحط فيه الدقيق وعليه البيكينج بودر وعليه رشه ملح صغيره ..مهم اوي (ننخل الدقيق كويس بمصفاه ) .
    بعدها تحطي الخليط علي المكونات كلها .
  • بعد كدا لو عندك مضرب كهربائي استخدميه في ضرب الخليط مع الدقيق ( لو مافيش بالمضرب العادي في اتجاه واحد وميلي ايدك شويه ) .
  • بعدها هنجيب صنيه وهندهنها زبده ودقيق خفيف و نحط فيها الخليط و بعدها ندخلها الفرن مش اقل من نص ساعه او 40 دقيقه او لحد ما تعلا كدا ومنفتحش الفرن عليها قبل 30 دقيقه ونختبرها بخله سنان لو طلعت نضيفه يبقي تمام ونطفي عليها .
    المهم اننا نسخن الفرن قبل مندخل الصنيه بشويه صغيرين كدا .