نجرسكو بالفراخ والمشروم

لـــ عمل النجرسكوا بالفراخ والمشروم هنحتاج الأتي : 

المكونات :

  • مكرونه فيتوتشيني او اي نوع .
  • مشروم فريش .
  • نص كيلو صدور فراخ مقطعه شرايح او مكعبات .
  • جبنه موتزريلا_جبنه رومي مبشوره (غير اجباري) .
  • كوبايه لبن .
  • معلقين او تلاته دقيق .
  • ملح , فلفل , بهارات .
  • بصله صغيره متقطعه مكعبات .

للبشاميل :

المكونات :

  • 3 معالق زبده .
  • معلقه كبيره دقيق .
  • كوب لبن.
  • كوب كريمه .
  • ملح وفلفل .
  • رشه جوز الطيب .

طريقة تحضير النجرسكوا :

  • اول حاجه هنقطع البانيه شرايح ونتبله كويس بالملح والفلفل واي بهارات تحبوها .
  • هسلق المكرونه بس منخلهاش تستوي على الاخر تبقي نيه شويه .
  • في طاسه هنقطع البصله شرايح ونحمرها وبعدين نحط الفراخ ونقلبها وبعدين نقطع المشروم ونشوحه معاهم .
  • هناخد من ماء سلق المكرونه كبشه او اتنين ونحطهم على الفراخ والمشروم ونسبيهم يغلو ويستوو .
  • هنعمل في الوقت ده البشاميل العادي ٣ معالق الدقيق نحمرهم في سمنه وننزل باللبن ونقلب وممكن نحط شويه كريمه
  • الزياده اني بحط جبنه موتزريلا على البشاميل وجبنه رومي مبشوره بتخلي الطعم احلي .

    وبعدين نجيب المكرونه ونحط عليها الفراخ والمشروم ونقلبهم كويس ونحط حبه بشاميل عشان الطعم من جوه يبقي حلو وكمان المكرونه تستوي ونحط معاهم في النص شويه جبنه موتزريلا ونحطهم في الصينية اللي هتدخل الفرن وعلي الوش نحط بقيه البشاميل وشويه موتزريلا تاني وجبنه رومي مبشوره .

    نغلف الصينية من فوق بورق فويل عشان الجبنه متنشفش وندخله على فرن ١٨٠ او ٢٠٠ لمده تلت ساعه او اكتر وبعدين نشيل الفويل لحد ما تاخد وش تحمير
    بالهنا والشفا مك