طريقة عجينة القطايف – وصفتين

القطايف : تعد القطايف من الحلويات الشرقية الأصلية الموسومية التي يرتبط اسمها بشهر رمضان الفضيل , حيث انها واحدة من أحب وجبات التحلية بعد وجبة الأفطار مع لقمة القاضي ( العوامة ) وصوابع زينب التي لا يخلو منها سفرة عربية مع العزومات , وهناك بعض طرق عمل عجينة القطايف سنذكر منها طريقتين .

  1. طريقة عمل عجينة القطايف بدون سميد : 

المكونات :

  • 2 كوب دقيق .
  • 2 كوب مياه .
  • معلقة كبيرة خميرة فورية .
  • معلقة صغيرة سكر .
  • رشة ملح .

طريقة تحضير العجينة :

  • ذوبي الخميرة فى مياه دافيه .
  • أعجني الدقيق مع المياه والملح والسكر ( ضيفي مياه لحد ما تبقي اخف من عجينة الكيكه بحيث تتساب في الصينيه بسهولة ) .
  • وتترك من ساعه الي ساعتين تخمر وبعدين قبل كل مرة ما تتسب في الطاسه قلبيها كويس .

مرحلة التسوية :

  • في طاسة تيفال نمسح بزيت علي الطاسة وعلي نار هادئة نضع نصف كبشة أو حسب ما تفضل حجم القطايف ( او براد له بوز ) و هي تستوي علي وش واحد فقط , وتحشي وتقلي في الزيت زبألف هنا .
  • نراعي بين كل مرة قبل ما نحط في الطاسة العجينة نقلبها كويس .

طريقة عمل عجينة القطايف بسميد : 

المكونات :

  • 2 كوب من الدقيق .
  • معلقه كبيره لبن بودره .
  • معلقه كبيره سميد بسبوسه .
  • معلقه كبيره نشا .
  • معلقه كبيره سكر .
  • معلقه خميره .
  • معلقه بيكنج بودر .
  • 2 كوب ميه دافيه .
  • ورشه ملح .

طريقة تحضير العجينة :

  • هنحط ف طبق غويط كوبايتين الميه وعليهم معلقه السكر ومعلقه الخميره وهنقلبهم لحد ما السكر يدوب ونغطيهم ونسيبهم عشر دقايق .
  • نحط باقي المكونات ف طبق تاني ونقلبهم وبعدين نحط المكونات دي ع الميه اللي فيها خميره وسكر ونقلب الخليط بيكون سايل شويه زي الكريب لو حستيه تقيل زودي ميه وسبيها نص ساعه تخمر .

مرحلة التسوية :

بعد ما تخمر تقلبيها تخرجي الهوا منها وبعدين تحطيها ف براد له بوز او اللي موجود عندك وتنزليها ف الطاسه مفيهاش زيت وبتتعمل ع جنب واحد وبس .