Flash Sale! to get a free eCookbook with our top 25 recipes.

صدور فراخ محشية

لــ عمل صدور فراخ محشية هنحتاج الأتي :

المكونات :

  • صدور فراخ متوسطة الحجم
  • معلقة كبيرة زبادى .
  • معلقه كبيره خل .
  • معلقه كبيره عصير ليمون .
  • معلقة صغيرة فلفل اسود  .
  • معلقة صغيرة توم بودر وبصل بودر .
  • ومعلقة صغيرة ملح .
  • نص معلقة صغيرة كبابة صينى  .
  • بشر جوزة الطيب .
  • رشة جنزبيل . 

مكونات الحشو :

  • فلفل احمر حلو واصفر واخضر حامى أو بارد .
  • وشرائح زيتون  .
  • جبنة شيدر على موزريلا .
  • ورشة فلفل اسود ورشة ملح خفيفة .

طريقة تحضير صدور الفراخ :

  • صدور فراخ فصوص سليمة مش كبيرة قوى يعنى الكيلو اربعة أو خمسة بعمل فيها خمس فتحات عميقة بالعرض بنقعها فى مية وخل وعصير ليمونة شوية وبعدين اصفيها .
  • نخط جميع مكونات التتبيلة ونضعها علي صدور الفراخ و نتركها ساعتين او يزيد اذا كان هناك وقت 
  • نصيحة : كبرت فترة تتبيل الفراخ لكما زاد الطعم حلاوة .

 

التسوية :

  • بحشيها وبعدين ارش على وشها رشة زعتر حلبى وادخلها الفرن على اول رف من تحت واغطيها لمدة نص ساعة وبعدين اطلعها احط على وشها رشة جبنة موزريلا مشللة شيدر المتاح يعنى وادخلها تانى من غير ما اغطيها كمان 20دقيقة تقريبا وبتكون استوت واخدت لون دهبى ولو محتاجة ممكن تترفع تحت الشواية ثوانى تاخد لون .
  • لو حجمها أكبر بتاخد مدة سوى اطول شوية .