طريقة عمل بسبوسه سريعه وهشة

طريقة عمل بسبوسه سريعه وسهله وهشة من مطبخ طعم الحياة , وصفة فاخرة ومميزة لكل محبي البسبوسة , بطريقة منزلية ولا أسهل لتتمتعوا بمذاق ولا أروع ينال أعجاب الجميع .

لــ طريقة عمل بسبوسه سريعه هنحتاج الأتي :

مكونات البسبوسه :

  • 2 كوب دقيق سميد .
  • نصف كوب سكر .
  • معلقة.ص ممسوحة بيكنج بودر.
  • معلقة.ص فانيليا .
  • ربع كوب عسل ابيض .
  • ربع كوب زبدة .
  • نصف كوب حليب .
  • مكسرات للتزيين .

مقادير الشربات :

  • 2 كوب سكر .
  • كوب ونصف ماء .
  • عصرة نصف ليمونة .
  • فانيليا .
  • معلقة زبدة .
  • معلقة عسل أبيض .

طريقة تحضير البسبوسه السريعه .

  • اول حاجة هنحط ٢ كوب دقيق سميد وياريت يبقى نوع كويس او سايب من عند العطار بلاش الاكياس عشان بشعة ونص كوب سكر ومعلقة صغيرة ممسوحة بيكنج بودر وفانيليا ولو حابين جوز هند ضيفوه ونقلب دول كويس جدا مع بعض .
  • فى حلة صغيرة ع النار هنحط ربع كوب عسل ابيض وربع كوب سمنة ونص كوب لبن ونحطهم ع النار ويدوب بس السمنة تتدوب والعسل ونطفى ع طول .
  • وهننزل بيهم ع الدقيق وهنقلب المكونات كلها مع بعض هما تقلبتين بس يدوب يختلطوا وخلاص وبلاش عجن وتقليب كتير غلط .
  • نجيب صينية وسط ندهنها سمنة كويس وننزل بالخليط كله ونقعد نخبط بالصينية كده ع الرخامة لحد ماالخليط كله يتساوى فى الصينية كويس .

التسويه :

  • هندخلها بقا الفرن ع الرف فى النص ونشغل من تحت بس واول ما الحروف تحمر نطفى تحت ونشغل الشواية وتاخد لون من الوش ونطفى وخلاص كده وياريت نخلى بالنا لانها مش بتاخد ثوانى وبتحمر بسرعة .

طريقة تحضير شربات البسبوسه 

  • نخلط ٢ كوب سكر وكوب ونص ماء وعصرة ليمونة وفانيليا ومعلقة سمنة صغيرة ومعلقة عسل ابيض صغيرة ونحطه ع النار يغلي من 7 الي 10 دقايق .

نصايح عشان تكون البسبوسة طريقة وجميلة :

  •  لازم تكون البسبوسة سخنة والشربات سخن  .
  • نضع الشربات علي  مرتين وندي فرصة للبسبوسة تشربه كويس .
  • واللى يثبت نجاح البسبوسة اما تلاقيها بتشرب الشربات ع طول .
  • نغطيها عشان متنشفش ونسيبها تهدى وبعدين نقطعها وناكلها بالهنا