طريقة عمل البرجر مثل المطاعم

 

طريقة عمل البرجر مثل المطاعم

طريقة عمل البرجر مثل المطاعم
مدة الإعداد 20 دقائق
مدة الطبخ 40 دقائق
الوقت الكلي 1 ساعة 20 دقائق
وجبة طبق رئيسي
مطبخ أمريكي
الحصص 4 أفراد

المقادير
  

المكونات

  • 1/2 كيلو لحم مفروم . نسبة دهون من 10 ل 15 % دهن بقري .. ليه لأ
  • 1 بصلة مبشورة . بماء البصل مانعصرهاش
  • 2 فص ثوم مهروس .
  • 2 معلقة بقدونس مفروم ناعم .
  • 1 كيس مرقة فورية . يفضل خضراوات
  • 1 معلقة.ك مستردة .
  • 1 معلقة.ك بصل بودر .
  • 1 معلقة.ص ثوم بودر .
  • 1 معلقة.ص فلفل أسود .
  • 1 معلقة.ص سكر .
  • ملح حسب الرغبة
  • 1 بيضة طعمها مش هيبان نهائى ولا كأنها موجودة

الحشو

  • جبنة شيدر او رومي . تقطع مكعبات سميكة
  • جبنة موتزريلا . يفضل كامل الدسم .
  • 2 معلقة.ك زبدة سايحة .

للتقديم

  • 1 بصلة مقطعة . شرايح
  • خس
  • فلفل أخضر .
  • شرايح طماطم .
  • تشيز برجر .
  • كاتشب
  • مايونيز .
  • مستردة .

الخطوات
 

طريقة تحضير البرجر

  • نخلط اللحمة مع البصل والثوم المفروم والبقدونس كويس .
  • ونضيف كل التوابل الجافة والمستردة على البيضة فى طبق خارجى ونقلبهم كويس جدا لغاية ماتمتزج كل المكونات .
  • نضيفهم على اللحمة ونعجنهم ونخلطهم كويس جدا جدا .
  • نسيب اللحمة ترتاح من 15 ل 30 دقيقه بعد العجن وده مهم عشان تركيز الطعم جوة الأنسجة .
  • بعدها هنقسم الكمية على كورتين اتنين , وهنجيب ورقة زبده ونفرد عليها كل كورة لوحدها جنب بعض زى الصورة .
  • هنوزع على الطبقتين زبدة سايحه علشان ترطب اللحمة معانا وتخليها جوسى وطعمها مميز اوى والجبنة تتشوى بطعم الزبدة .
  • هنبتدى نوزع الجبنة على طبقة من الأتنين والجبنة تبقى قطع سميكه عشان تاخد وقت أطول على ما تسيح .. وده عشان ندى اللحمة وقتها كويس فى التسوية .
  • بعدها هنضيف عليها جبنة موتزاريلا ونراعى نسيب الحروف فاضيه عشان هنضيف الطبقتين على بعض .
  • بعد كده بنرفع الطبقة الفاضية بورقة الزبدة زى الصورة كده وبننزل بيها على الطبقة التانية و نبتدى نقفلها كويس من كل الجوانب .
  • هاندهن وش قرص الهمبرجر برضوا بالزبدة وهنقبلوا فى صنية يستحسن تكون تيفال وندهن الناحية التانية منه برضوا بالزبده .

التسوية

  • هندخلوا الفرن على درجة حرارة 200 فى الرف الأوسط ولازم الفرن يكون سخن من قبلها كويس جدا عشان اللحمة تاخد صدمه وتتشمع من برة وتحبس كل العصارة والطعم بتاعها جواها .
  • هتاخد معانا من 30 ل 40 دقيقة .. هنلاحظ إن فى أجزاء من الجبنة نزلت برة وساحت . هنرفعها بمعلقة او سبيتيولا ونوزعها على سطح قرص البرجر عشان تتشوى معاه وتاخد من نكهة التتبيلة .

التقديم

  • هنكون مجهزين الكيزر بتاعنا ونديلوا تشويحة فى الزبدة على وشه عشان قعدته تتحمص وماتشربش السوائل بتاعة الصوص وعصارة البرجر .
  • هانضيف كاتشب ومايونيز ومسترده او اى حاجه نفضلها .
  • وبعدها نفرد طبقة من الخس وبعدها البصل وطبعا يفضل يكون الأحمر .
  • وطبقة طماطم وطبقة الفلفل الأخضر .
  • وشرايح تشيز برجر (اختيارى) بس تكون اخر حاجه من فوق عشان تسيح من حرارة قرص البرجر .
  • قفلوا الساندوتش بتاعكم مع بطاطس .

ملاحظات

الوصفة من قناة mo shihata
Keyword برجر, همبرجر