طريقة عمل اللانكشير

لانكشير : طريقة عمل بسكوت اللانكشير السهل من مطبخ طعم الحياة . وصفة فاخرة ومميزة لكل محبي الحلويات . بطريقة منزلية ولا أسهل لتتمتعوا بمذاق ولا أروع ينال إعجاب الجميع.

المقادير :

  • 2 كوب دقيق فاخر .
  • 1 كوب سمنة نوع جيد(ساقعة) .
  • نص كوب سكر .
  • نص كوب نشا .
  • 2 بيضة .
  • نص معلقة صغيرة بيكنج بودر .
  • كيس فانيليا او معلقة صغيرة فانيليا سايلة .
  • رشة ملح .

للتقديم والتزيين :

طريقة التحضير :

 

  • نبداء بخفق السمنة مع السكر بالمضرب لحد ما تبتدى تتفتت وتتحول لخليط هش وفاتح اللون .
  • بعدين نبتدى نضيف البيض واحدة واحدة مش مع بعض ونضيف الفانيليا ونستمر فى الخفق .
  • فى إناء خارجى نضيف كوبايتين الدقيق ويكونوا منخولين كويس ونضيف عليهم نص كوباية النشا ونص معلقة صغيرة من البيكنج بودر ورشة ملح ونخلطهم كويس جدا .
  • وبعدين نضيفهم على خليط البيض والسمن ونضربهم كلهم سوا كويس جدا ونلمها بإيدينا وبعدين نريحها ربع ساعة فى التلاجة .
  • نخرجها ونبتدى نشكل اللانكشير على هيئة كور صغيرة متساوية ونبتدى نرصها فى الصينية او صاج الفرن مش مدهون زيت او ورق زبدة وبينهم مسافات بسيطه عشان مايلزقوش فى بعض .

التسوية :

  • الفرن يتسخن على درجة حرارة 170 .
  • ونضع صينية بسكوت اللانكشير في الرف الأوسط  من تحت هياخد معانا من 10 ل 15 دقيقة حسب حرارة كل فرن .
  • لا يتم تحريك اللانكشير من على الصاج وهو ساخن غير لما يكون برد تماما عشان ما يتفتتش .
  • نبتدى نلزقه فى بعض بمربة او شيكولاته سايله ونغطسها فى جوز هند مبشور او مكسرات مبشورة او شيكولاته فارمسيلا او اى شئ حسب رغبتنا.

 

ملاحظة : 

  • اذا اردتي تلوين الحصول علي لانكشير ملون نضع لون طعام , واذا اكثر من لون تقسمي العجينة وتخلطي الالوان وبألف هنا .