طريقة عمل تشيز كيك الرمان

ينتسب تشيز كيك الرمان الي عائلة الأيس كريم , حيث ترجع الطريقة الأصلية الي اليونان ومن ثم تعدد طرق تقديمة وتزينه ومكوناته من بلد الي أخر منهم يدخل به الشوكولاته و الأخر رمان , ومانجو والكثير …

طريقة تشيز كيك رمان 

مقادير الصوص

  • ٢٠٠ جم ( ٢ كوب )رمان .
  • ٤٠ جم ( ربع كوب )سكر .

 

مقادير الچيلي بالرمان

 

  • ١٣٠ جم (كوب)مايه دافيه وتحطي عليها اي ناكهة طعام حباها .
  • ١٥ جم (ملعقة طعام )سكر .
  • ٣ جم (ملعقة) چيلاتين باودر .
  • ٨٠ جم (٤/٣كوب)رمان

مقادير طبقة البسكوت 

 

  • ٨٠ جم (كوب)بسكوت مطحون .
  • ٣٠ جم (٨/١ كوب)زبده .

مقادير الكريمة

 

  • ٢٠٠ جم (كوب الا ربع ) جبنه كريمي .
  •  ٤٠جم (ربع كوب)سكر .
  • ٣٥ جم (ربع كوب )زبادي .
  • ملعقة ڤانيليا .
  • نصف ليمونه .
  • ٥ جم ( نص كيس ) چيلاتين باودر .
  • ١٢٠ جم(٤/٣ كوب) كريمة خفق مضروبه ٥٠٪؜ بس .

طريقة تحضير تشيز كيك الرمان

لعمل الصوص :

  1. نحط الرمان على السكر ونقلب وبعدين نحطهم على النار مع مع استمرار التقليب لحد ميغلي وتوطي النار لمده ١٠ دقايق وبعدين نطفي النار ونسيبه يبرد بقى .

لعمل الچيلي بالرمان:

  1. نحط المايه بالنكهة في الميكروويف لمده ٢٠ ثانيه وبعدين نطلعها نحط السكر فيها وندوبه .
  2. وبعدين ننزل بالچيلاتين المذاب ونقلب وبعدين ننزل بالرمان ونقلب وبكده .
  3.  نجيب صنيه مقاس ١٢ ونصب الچيلي ونحطه في التلاجة لمدة ساعه او اتنين .
  4. نحضر طبقة البسكوت ( نحط الزبده المذابه على البسكوت المجروش ونقلبهم في بعض ) ونرص البسكوت في صنيه مقاس ١٦ ونحطها في التلاجة على منحضر الكريمة .

طريقة الكريمة :

  1. نحط الجبنه في بوله اللي هى طبق غويط ونقلب فيها لحد متبقى سموزي كده وبعدين نحط السكر ونقلب .
  2. وبعدين ننزل عليها بالزبادي والفانيليه ونعصر نص الليمونه .
  3. وبعدين ننزل بالصوص اللي حضرناه وسبناه يبرد ونقلبهم كويس .
  4. وبعدين ننزل بالچيلاتين المذاب على الخليط ونقلب بسرعه .
  5. واخر حاجة نحط الكريمة المخفوقة على الخليط ونقلب وبكده الكريمه البينك الرقيقة دي خلصت .
  6. نطلع بقى صنيه البسكوت ونحط عليها ٣/١ الخليط وندخلها التلاجة ساعه او الفريزر نص ساعه .
  7. ونطلع بقى القالب اللي فيه الچيلي ونقلب الچيلي وبعدين نحط الچيلي في نص قالب البسكوت والكريمة وننزل بياقية الكريمه .
  8. وندخل القالب التلاجة لمده ٣ ساعات وبعدين بقى تطلعي القالب وتزيني .

 

طريقة تشيز كيك اللوتس

المقادير

  • كيس بسكوت بيسكوف كبير ٣٢ قطعه ( ينفع اي بسكوت ساده ) .
  • علبه زبده لوتس .
  • ٦ معالق كبيره زبده مذابه فيما يعادل ( ٨٥ جرام ) .
  • كريمه خفق سائله ( ٢٣٥ جرام ) .
  • جبنه كريمي كيري ( ٣٥٠ جرام ) .

طريقة تحضير تشيز كيك اللوتس

الخطوه الاولي :-

  1. ناخد ٣٠ قطعه بسكوت نطحنها تكون ناعمه .
  2. بعدها نضيف عليها الزبده السايحه و نضربها تاني لحد ما تكون مرمله كده شويه ( ناخد علي جمب حوالي ربع كبايه من البسكوت المرمل ده علشان نزين بيها فالاخر ).
  3. ناخد البسكوت نحطه فالصينيه ونفرده متساوي نضغط عليه جامد و نحط الصينيه فالتلاجه لحد ما نخلص الخطوه التانيه .

الخطوه التانيه :-

  1. كريمه الخفق نضربها بالمضرب لحد ما تتقل شويه منطولش كتير اوي علشان متفصلش عن بعضها و ناخدها نحطها فالتلاجه برضوا لوحدها لحد ما نحتاجها .

الخطوه التالته:-

 

  1. هناخد علبه الجبنه كلها مع ٢٦٠ جرام من علبه اللوتس و نضربهم مع بعض بالمضرب لحد ما نتأكد انهم اختلطوا .
  2. بعدها نضيف عليهم كريمه الخفق اللي كانت فالتلاجه و نضربهم مع بعض لحد ما يكون لونهم واحد .
  3. ناخد الخليط كله نضيفه علي طبقه البسكوت اللي فالصنيه و نعملها بضهر معلقه لحد ما تكون متساويه .
  4. نحطها فالتلاجه اقل حاجه اربع ساعات ( انا سبتها طول الليل و كملتها الصبح ) .

    الخطوه الاخيره :-

 

  1. ١٤٠ جرام اللي فاضله من زبده اللوتس هنسيحها فالمكرويف و نحطها في قمع او كيس بلاستك و نخرمه و نزين بيه الوش .
  2. بعدها ربع كبايه البسكوت المهروس هنزين بيها برضوا بعد الزبده و هيكون فاضل من كيس البسكوت قطعتين برضوا نحطها من فوق للتزين .