طريقة تشيز كيك بالتوت

التشيز كيك

يعد التشيز كيك من الحلويات الواسعة الشهرة في العالم اجمع , يرجع أصل التشيز كيك الي اليونان القديم وكانت شهرته محدودها بالطريقة اليونانيه , أما الأن فهو واسع الشهرة مع الطريقة الأمريكية اللذيذه سهلة التحضير , ويتكون التشيز كيك من ثلاث طبقات أو اكثر حسب الرغبة , الطبقة الاولي عبارة عن بسكوت والثانية جبنة مع الكريمة والأخيرة مما تحب بعضهم يزينها بفاكهة الرمان و الأخر بالمانجو أو التوت مثل وصفة اليوم أو الفراولة , وفيما يلي طريقة عمل تشيز كيك بالتوت .

المكونات 

لعمل طبقة البسكوت

  • ٢٠٠ جم بسكوت ساده .
  • ١٠٠ جم زبده سايحة .

طريقة التحضير

  1. نطحن البسكوت وبعدين نصب عليه الزبده ونقلب لحد منتأكد ان كل حبايه شربت زبده.
  2.  وبعدين نحطه في الصنيه ونضغطه .

لعمل الصوص

  • ١٣٠ جم بلوبيري (فريش او مُجمد) .
  • ٢٥ جم سكر .
  • نص ليمونه .
  • ٢٠ مم ماء .
  • ٢جم چيلاتين .

طريقة التحضير

  1. نضع التوت على السكر على عصير الليمون في بوله على النار ونفضل نقلب لحد ميغلي ونسيبه دقيقه وبعدين نشيله من على النار .
  2. ثم نقلب الماء مع الچيلاتين ونصبهم على مزيج البلوبيري ونضربهم بالخلاط ونركنه يبرد .

لعمل التشيز كيك

  • ٢٠٠جم اي نوع جبنه كريمي (كيري-بوك-المراعي) .
  • ٤٠ جم سكر .
  • ٥٠جم زبادي .
  • ٣٥جم حليب .
  • ١٠ جم چيلاتين .
  • ٢٠٠ مم كريمة خفق .
  • نصف ليمونه .

طريقة التحضير 

  1. نحط الجبنه على السكر ونضربهم جامد لحد ميمتزجو ثم نضع عليهم الزبادي ونضربهم كويس .
  2. ثم نضع الچيلاتين على الحليب ونقلبهم ونحطهم على خليط الجبنه .
  3. نضرب كريمة الخفق ٥ دقايق لحد ما تبقى كريمي ومتماسكة .
  4. ننزل بالكريمه على خليط الجبنه ونقلبهم  , وبعدين نعصر نصف الليمونه عليهم ونقلبهم وبكده عملنا خليط التشيز كيك .

لعمل صوص البلوبيري للتزيين

  • ٢٠٠ جم بلوبيري .
  • ١٠٠ مم ماء .
  • من ٢ – ٣ ملعقه سكر .
  • نصف ليمونه .
  • معلقة جيلاتين .

طريقة التحضير

  1. نضع البلوبيري على الماء على السكر في بوله على النار وندوب السكر .
  2. ثم نعصر نص الليمونه عليهم ونتركهم يغلو لمده ٣ دقايق .
  3. ثم نضع عليهم معلقة چيلاتين ونقلب على نار هاديه لمده دقيقة .

 

طريقة تزيين التشيز كيك

  1. نضع في بوله ٢١٠ جم من الخليط ونحط عليهم حاجة بسيطه جدا من الصوص علشان نعمل اللون الفاتح .
  2. وفي بوله تانيه نصب ١٧٠ جم من الخليط ونحط عليهم باقية الصوص علشان نعمل الدرجة الغامقة المنعشة.
  3. وهيتبقى عندنا كميه من الخليط هنسبهم ابيض .
  4. نطلع الصنية من الفريزر ونصب الدرجة الغامقة وبعدين نحطها قي الفريزر لمده ٢٠ دقيقه .
  5. ثم نطلع الصينيه نصب الدرجة الافتح ونحطها في الفريزر لمده ٢٠ دقيقه .
  6. ثم نطلع الصينيه نصب بقيه الخليط الابيض .
  7. ثم نضع حبات التوت علي شكل قلب ونصب بها صوص البلوبيري بتاع التزيين وبألف هنا .