طريقة عمل التشيز كيك بالجلي

التشيز كيك بالجلي

من الحلويات السهله المحبوبة المنعشة في فصل الصيف , ويمكن تقديمها في العشاء كوجبة خفيفة اليك طريقة عمل التشيز كيك بالجلي .

المكونات 

الطبقة الأولي 

  • 3 علب بسكوت شاي اي نوع تحبوه .
  • 2 معلقة زبده  .

الطبقة الثانية

  • 1 كيس دريم ويب ( شانتيه ) .
  • 1 كوب حليب مثلج .
  • 8 مكعبات جبنه لافش كيري أو جبنة كيري عادي .
  • سكر بودره .
  • لبن بودره .
  • رشه فانيليا .

الطبقة الثالثة

  • 2 كيس جلي .
  • علبه جبنه كريمي .
  • 2 كيس كريم كراميل .
  • 3 كوب ماء .

طريقة تحضير تشيز كيك جلي 

الطبقة الأولي

  1. نطحن نصف كمية البسكوت ونضيف اليهم الزبدة ونقلبهم جيدا , ويفرد في الصينية وتدوسي عليه ويوضع في الفريزر .

الطبقه الثانيه 

  1. هنحط مقدار كوبايه حليب مع كيس كريم شانتي وتضربي بالمضرب لحد مايديكي قوام الكريمه .
  2. وبعدين تضيفي الجبنه أنا هنا حطيت الجبنه الكريمي وبعدين اللبن البودره ورشه فانيلا وكوب الا ربع سكر بودره وتضربيهم كويس جدا لحد مايديكي القوام التقيل .
  3. وتجيبي الصنيه وتحطي الكريمه وتدخليها الفريزر وتسبيها لحد ماتجمد تماما .

الطبقه الثالثه

  1. هتحطي كوبايه ميه سخنه ف حله أو طبق مناسب وتحطي فيه كيسين الجيلي وتقلبي لحد مايدوب وبعدين تحطي عليهم كوبايه ميه عاديه مش سخنه .
  2. وتطلعي الصنيه وتحطي عليها الجيلي وتدخليها الفريزر .