طريقة عمل كيك الفواكه

كيك الفواكه

يعتبر الكيك بالفواكه من أسهل أنواع الكيك و أفضلهم , نظرا لبساطته و طريقة تحضيره وقيمته الغذائية , لأنه يلبي أختياج ويتماشي مع أذواق الجميع , وفيما يلي طريقة عمل كيك الفواكة .

المكونات

  • ٩٠ جرام دقيق( كوب الا ربع ) .
  • ٣ بيضات .
  • ١٠٠ جم سكر(نصف كوب) .
  • ٥٦ جم حليب ( ربع كوب او ٥ ملاعق طعام) .
  • ( ممكن تعملو ٢٦ جم حليب عادي و٣٠ جم (حليب جوز الهند) اختياري .
  • ملعقة فانيليا .

مقادير الكريمه

  • ٦ جم چيلاتين .
  • ٣٠ جم ( ملعقتين طعام ) ماء مثلج .
  • ٨٥ جم شيكولاته بيضاء .
  • ٨٥ جم كريمة خفق ساخنه .
  • ١٠٠ جم جبنه كريمي .
  • ١٨٠ جم (كوب وتلت )كريمة خفق .

الفواكه

  •  مانجو.
  •  كيوي .
  •  فراولة .

شربات

  • ٦٠ جم ( نصف كوب ) ماء .
  • ١٥ جم (١ ملعقة كبيرة) سكر .

 

طريقة التحضير

  1. نحضر صينيه مقاس ١٨ وندهنها ويكون الفرن شغال على درجة حرارة ١٧٠ قبل منبدأ .
  2. اول حاجة نحط الحليب في بولة صغيره ونحط البوله في ماء ساخن مغلي ونقلب تقلبتين كده ونسبهم .
  3. وبعدين في بوله تانيه ونحط البيض والسكر ونحط البوله برضه في ماء مغلي , وبعدين نقلب و ندوب السكر لحد متحس ان الخليط سخن وحرارته زادت ل ٤٠ درجة تقريبا .
  4. وبعدين نشيل البوله من الماء المغلي ونضرب بالمضرب الكهربي بأعلى سرعه لمدة ٦ دقايق , وبعدين نضرب بسرعه قليله لمدة دقيقتين .
  5. نجيب الدقيق وننخله على خليط البيض والسكر , ونقلب تقلبتين لحد ما الدقيق يختفي وننزل بعدها بالحليب ونقلب تقلبتين برضه لحد ما الحليب يختفي .
  6. ننزل بالخليط في الصينيه وعلى الفرن علطول لمدة ٢٥ دقيقة .

تحضير الكريمة

  1. نحط الشيكولاته البيضاء في الكريمة السخنه لمده دقيقة , وبعدين نقلبهم وندوبهم في بعض .
  2. وبعد كده ننزل الچيلاتين عليهم وبعدين نحط الجبنه ونقلب جامد لحد ميبقو خليط متجانس ونركنهم .
  3. نجهز كريمة الخفق بحيث انها تكون ماسكة بنسبة ٦٠٪؜ بس مش ١٠٠٪؜ وننزل بيها على ميكس الشيكولاته اللي عملنهاها .

تزيين الكيك بالفواكه

  1. نقطع الكيوي والمانجو والفراوله دواير وتحاولي تساوي السمك والطول بتاعهم ,  وتقطعي قطع تانيه منهم مكعبات .
  2. نطلع الكيكة من الفرن ونسيبها تبرد ونقسمها لشرحتين .
  3. نرص اول شريحة في صينيه اصغر وندهنها بالشربات, وبعدين نرص الفاكهة المدوره على احرف الصينيه .
  4. بعدين نحط الكريمه وفوقها نغطس الفاكهة المكعبات وفوقهم كريمه تاني وبعدين نرص الشريحة التانيه من الكيك وندهنها خفيف بالشربات ودي خطوه اختياري على فكره .
  5. فوق شريحة الكيك نحط الكريمة ونساويها ونحطها في التلاجة لمدة ٤ ساعات اقل شئ .