طريقة عمل المارينج

تعرفي معنا علي طريقة عمل المارينج من مطبخ طعم الحياة , وسر نجاجه لتقومي بأعداد مارينج في بيتك لأطفالك بأسهل الطرق المجربة .

طريقة عمل المارينج

المكونات 

  • ١٢٥ جم بياض بيض .
  • ٢٥٠ جم سكر بودر .
  • ملعقة فانيليا .
  • رشة ملح .

طريقة التحضير 

  1. نحط البياض في بوله على بخار ماء ونقلب لحد ما البيض يدفى كده ونكون مشغلين الفرن والمطبخ دافي لان درجة الحراره بتفرق في ملمس المارينج .
  2. وبعدين نشيله ونضرب بالمضرب الكهربائي او اليدوي عادي لمده ٥ دقايق , وفي الوقت ده نحط رشة الملح على السكر وننخلهم علشان المارينج يطلع هش مش مكتوم .
  3. وبعدين نحط  السكر ملعقة ملعقة والمضرب شغال لحد السكر يخلص ويختفى خالص .
  4. وبعدين نحط ملعقة الفانيليا علشان النكهة ونقلب يدويا بأي ملعقة كبيره .

 

تشكيل المارينج بالألوان 

 

  1. تحطي على جدار كيس حلواني خط لون طعام وخط لون تاني وبعدين تحطي المارينخ الابيض عادي في الكيس وتنزلي من الكيس .
  2. او لو عاوزه درجة واحده تقدري تحطي على العجينه كلها الدرجة اللي انتي عاوزاها وتشكليها بكيس حلواني .

تسوية المارينج

  1. التسوية بيفرق جدا لازم تبقى درجة حراره واطيه جدا ( اوطى درجة في الفرن) لمده ساعة او ساعه ونص لحد متلقيه نشف .

 

أسباب فشل المارينج

 

  1. لابد ان تكون درجة حرارة المطبخ دافئ , لأن درجة الحرارة تفرق في ملمس المارينج .
  2. لابد من تدفئة بياض البيض في حمام ماء لتحصل علي قوام وملمس هش وناعم .
  3. السكر يوضع تدريجي ويضرب جيدا مع بياض البيض .