طريقة عمل ايس كريم تيراميسو

الايس كريم هو من الحلوي اللذيذة المحببة للكبار والصغار , وتختلف النكهات منها بالفواكة ومنها بالشوكولاته , وفيما يلي طريقة عمل ايس كريم تيراميسو .

طريقة عمل ايس كريم تراميسو

المكونات 

  • ٦ صفار بيض .
  • ١٥٠ جم سكر (٤/٣ كوب) .
  • ٣٧٥ جم جبنه كريمي .
  • ٣٦٠ مم كريمة خفق .
  • ١,٥ ملعقة ڤانيليا.
  • ٥٠ جم سكر .
  • ٢٤٠ مم ماء مغلي .
  • ٤ ملعقة قهوه .
  • ١٦ بسكوت ليدي فينجر .
  • كاكاو باودر .
  • شوكولاته .

طريقة التحضير

  1. اول حاجة ندوب القهوه او النسكافيه في الماء المغلي و نتركه يبرد على جنب .

خليط الايس كريم

  1. وبعد كده نحط السكر على صفار البيض في بوله ونحطهم على بخار مايه سخنة (يعني تحطي حله فيها مايه سخنه على النار وتحطي البوله فوقها) وتفضلي تضربي فيهم لمده ١٠ دقائق وبكده يكون البيض استوى والسكر داب .
  2. بعد كده نركن البيض بالسكر يبرد وفي بوله تانيه نحط الجبنه على السكر على الكريمه على الفانيليا ونضرب لحد ميبقى ملمسهم كريمي ماسك نفسه .
  3. وبعد كده نحطهم على البيض والسكر ونقلبهم .

تزيين ايس كريم تيراميسو

  1. نجيب قالب الايس كريم بقى ونلبسه كيس تلاجة ونحط ٣/١ كميه الخليط  .
  2. وبعدين نغمس بسكوته بسكوته في القهوه ونرصها وبعدين فوقهم ننزل ب ٣/١ الكميه .
  3. وبعدين نرص طبقة بسكوت تانيه وبعدين ننزل بقى بباقت كمية الخليط .
  4. ثم نضعها في الثلاجه حتي تتماسك .
  5. نخرجها من من الثلاجة ونقلبها في طبق التقديم ونرش عليها الكاكاو أو الشوكولاته ونرش عليها مكسرات .