طريقة فخارة اللحم التركية بالعجين

فخارة اللحم التركية

يشتهر المبخ التركي بأشهي الأكلات والوصفات اللذيذة , كما يشتهر ببعض أشهر الشيفات علي مستوي العالم ومن أشهر علي الأطلاق الشيف بورك صاحب وصفة فخار اللحم التركية .

مكونات التتبيله

  • لحمه مكعبات (يفضل يكون فيها نسبة دهن) .
  • ملح , فلفل أسود .
  • ماء بصل .
  • عصير ليمون .

طريقة التحضير 

  1. نخلط مكونات التتبيله الملح و فلفل ومايه بصل وعصير ليمون ونسيبها فى التتبيلة ساعتين او من بليل .

مكونات الخضار 

  • بطاطس .
  •  جزر .
  • فلفل الوان .
  • كوسة .
  •  بصل .
  • طماطم .
  • بسلة .
  • فلفل حار (أختياري )
  • ملح , فلفل أسود .
  • ثوم مقروم .
  • بهارات لحم .
  • بابريكا .
  • زعتر .
  • ماء .
  • معلقة صلصلة .
  • هريسة .
  • زيت .

طريقة تحضير الخضار 

  1. نقطع الخضار مكعبات صغيرة ونتبلها بالبهارات وتترك جانبا .

التسوية 

  1. نقلب الخضار مع اللحم ونضعه فى طاجن كبير او طواجن صغيرة ونضيف نصف كوب ماء عليه معلقة كبيرة
    معجون طماطم ومعلقة هريسة شطة اختياري ومعلقة من الزيت .
  2. نغطى الطاجن كويس اووي بورق زبدة وورق فويل عشان نحتفظ بالسوائل ويستوي كويس ويدخل فرن مسبق التسخين على اعلى درجة حرارة من ساعتين الي ساعتين ونصف او حسب م يستوي معاكم .

مكونات العحينة 

  • نحضرها والطاجن فالفرن قبل م يستوي بساعة مثلا .
  • ٢ كوب دقيق .
  • معلقة صغيرة ملح .
  • معلقة صغيرة خميرة فورية .
  • معلقة كبيرة زيت .
  • معلقة كبيرة سكر .
  • كوب ماء او حسب احتياج العجين .

طريقة عمل عجينة تغطية الفخار

  1. نخلط كل المكونات مع بعض وننزل بالماء تتدريجى و نبدأ نعجنها كويس جدا حوالى عشر دقايق لحد ما قوامها يكون طري وناعم ونغطيها ونسيبها تخمر ويتضاعف حجمها .
  2. لما تخمر ناخد جزء من العجين ونفردها اكبر من مقاس الطاجن شوية ونحطه على الطاجن .

دهان وش الطاجن

  • صفار بيضة .
  • معلقة خل .
  • معلقة قهوة سريعة الذوبان .
  • سمسم .
  • حبة البركة .

الخطوات

  1. بعد ما تستوي فخار اللحم التركية نضع فوقها العجين .
  2. نخلط صفار البيض , الخل , معلقة القهوة وندهن بيهم وش العجين .
  3. نرش القليل من السمسم وحبة البركة وتدخل الفرن الي ان يستوي العجين .