طريقة عمل فطائر الجبن في الفرن

طريقة عمل فطائر الجبن في الفرن من مطبخ طعم الحياة وصفة جميلة ولذيذة تصلح لوجبة الفطار ولأطفالك للمدرسة .

فطائر جبنه طازه جدا للفطار .

المكونات

  • 6 كوب دقيق .
  • 2 كوب لبن دافيء .
  • معلقة صغيرة ملح .
  • نص كوب سكر .
  • معلقه كبيره خميره .
  • 2 بيضه .
  • 4 معلقة زبدة .
  • للحشو 
  • حبنة .

طريقة عجينة الفطائر

  1. نحلط الحليب و الخميرة , السكر و نقلبهم كويس جدا مع بعض ونغطيهم بفوطه ونتركهم ٥ دقايق علي جنب , ثم نضع عليهم 2 بيضه ونقلبهم تاني كويس اوي .
  2. في بوله تانيه نضع ٦ كوب دقيق وعليهم ملعقه صغيره ملح ونحط عليهم الخليط بتاع اللبن والخميره والسكر والبيض ونعجن .
  3. لو احتاجت العجينه دقيقه نحط حبه صغيره بحبه صغيره .
  4. وبعدين نجيب ٤ معالق زبده بدرجه حراره الغرفه نحطهم علي العجينه ونعجن تاني كويس اوي لحد لما الزبده تسيح مع العجينه ونعجن تاني لحد لما العجينه تلم معاكم , وهنحتاج نزود شويه دقيق كمان بسيط علشان العجينه تلم وتلزقش في الايد بس اول لما تلم معاكم حطوها في بوله وغطوها وسبوها في مكان دافئ نص ساعه .

تشكيل و حشو فطائر بالجبنة

  1. بعد نص ساعه هناخد العجينه ونعملها رول علي البار ونقطعها ل ١٥ قطعه متساويه الحجم نكور كل قطعه ونحطها علي بار مرشوش دقيق .
  2. وناخد كوره كوره نشكلها بالشكل اللي عايزه انا عملته رول زي البانيه كده , نحط الجبنه وبعدين نقفل من الجناب علشان الحشوه متخرجش منها ونلفها رول ونحطها في صنينه عليها ورقه زبده .
  3. نخلص كل الكور اللي عندنا ونرصها في الصنينه ونغطها بفوطه نضيفه ونسبها تخمر كمان ٢٠ دقيقه .

 

تسوية فطاير الجبنة

  1. نسخن الفرن علي درجه حراره ٢٠٠ وقبل لما ندخلها ندهن الفطائر بصفار بيضه مع حبه لبن صغيرين ورشه فانيلا واللي مش بيحب البيض ممكن يدهنها بشويه لبن بس .
  2. بتاخد في الفرن حوالي ٢٠ دقيقه من تحت وبعد كده نشوف لو لونها اصفر من تحت نطفي تحت ونفتح الشوايه لحد لما تاخد لون دهبي من فوق .
  3. نطلع الفطائر ونغطيها بفوطه نضيفه ونسبها ربع ساعه علشان تطري , وتبقي عامله زي الباتيه
    ومن الأفضل تتعمل بالليل وتفطرو بيها الصبح بتكون احلي كتير .