طريقة عمل رموش الست

رموش الست 

يرجع أصل حلوي رموش الست الي بلاد الشام , العراق بالتحديد , و أنتقلت الوصفة الي مصر عن طريقة الرحلات التجارية بين البلدين , ويرجع أصل تسميتها بأسم رموش الست الي قصة طريفة , فتعود الأحداث إلى أيام الحاكم بربر أغا حاكم طرابلس، والذى اشتهر بإقامته للحفلات والولائم وتجمع أعيان البلدة عنده كل ليلة.

وفى إحدى حفلات التى كان يحضرها العديد من الحسناوات من علية القوم، وكان موجود أيضاً مجموعة من الظرفاء. فقدم الطباخ لهم تلك الحلوى على شكل”رمش”فتندر أحد الظرفاء قائلاً لبربر أغا “فلنطلق عليها رموش الست”، وبالفعل انتشرت بذلك الاسم منذ ذلك الحين وأطلق عليها رموش الست.

طريقة عمل رموش الست بالسميد 

المكونات

  • كوب الا ربع ذبده .
  • نص كوب سكر بودر منخول .
  • 1 بيضه .
  • 1 بياض بيضة .
  • 2 كيس فانيليا .
  • معلقه صغيره بيكنج بودر (منزودش عن كده علشان مش تنفش) .
  • 3 معالق جوز هند .
  • 2 معلقه كبيره سميد .
  • 2 كوب ونصف دقيق ( ممكن نزود او نقلل حسب نوع الدقيق ) .

للوش قبل الفرن 

  • صفار بيضة .
  • 1 معلقة حليب .
  • فانيليا .

 

طريقة تحضير رموش الست بالسميد

 

  1. في بوله نضع الذبده ونضربها كويس بالمضرب المهربائي .
  2. وبعدين نضيف السكر البودر المنخول ونضرب تاني كويس لحد متعمل شكل الكريمه .
  3. هنضيف البيض , هنحط بيضه كامله و بياض البيضه التانيه بس , وبعدين الفانيليا ونكمل ضرب كويس لحد لم البيض يختفي .
  4. بعدين هنضيف جوز الهند ونقلب ونضيف السميد ونقلب كويس , ثم الدقيق نحط في الاول كوبايتين ونلم العجينه , يستحسن بادينا بلاش المضرب (بلاش عجن خالص احنا هنفضل نلم فيها كويس لحد متكون متماسكه كده ولا طريه خالص ولا نشفه خالص لو احتجنا دقيق نزود حسب نوع الدقيق وحسب الكوبايه المستخدمه ) .
  5. نتركها ترتاح عشر دقايق ونبدا نشكلها .
  6. انا قطعتها كور صغيره كده بس تكون علي شكل بيضاوي شويه وبشوكه اشكلها .
  7. واحطها في صينيه وادهن وشها بصفار البيضه ومعلقه لبن ورشه فانيليا و ندخلها الفرن علي درجه حراره ١٨٠ لم تبدا تحمر من تحت نشغل الشوايه تاخد لون ذهبي .
  8. تطلع من الفرن نسقيها بالشربات البارد ع طول , الشربات يكون بارد وخفيف .

 

طريقة عمل الشربات 

المكونات 

  • 3 كوب سكر .
  • 3 كوب ماء .
  • نصف ليمونه .

الطريقة 

  1. في اناء عميق نضع جميع المكونات ونتركهم حوالي 15 دقيقة غليان .
  2. نتركه يبرد ثم نضغ به رموش الست بعد خروجها من الفرن ساخنه .