بأسهل طريقة الكب كيك للمبتدئين

اليكي طريقة عمل الكب كيك ب ثلاث وصفات مختلفة تلبي جميع الأذواق .

طريقة عمل الكب كيك

المكونات

 

  • 2 ونصف كوب دقيق .
  • 1 كوب كاكاو خام .
  • 3 قطع بسكوت اوريو .
  • 1 كوب حليب .
  • 1 كوب زيت .
  • 1 كوب سكر . 
  • 2 بيضة .
  • 1/2 كوباية زبادي .
  • 2 معلقة صغيرة بيكنج باودر .
  • 1 معلقة صغيرة فانيليا .

للتزيين 

  • كريم شانتيه ( دريم ويب ) .
  • الوان بودر من عند العطار .

طريقة تحضير الكب كيك

 

  1. تخلط جميع المكونات بدون الدقيق بالمضرب الكهربائي أو الخلاط الكهربائي الي ان يمتزجوا بدون كلاكيع .
  2. ثم نضيف عليهم كوبايتين دقيق ونص كوباية كاكاو خام , و أضفت الي عجين الكي كيك 3 حبات اوريو كبير متقطع .
  3. ثم تصب في قوالب الكب كيك وتدخل الفرن علي درجة حرارة 200 لمدة تترواح بين 17 الي 24 دقيقة حسب الفرن .
  4. بعد ان تخرد من الفرن وتبرد تماما , نجهز كريم التزيين عليه رش صغيرة جدا من اللون ونقلب ونزين الكب كيك.

 

طريقة عمل كب كيك كنافة 

المكونات

 

  • نص كيلو كنافه .
  • نص كوباية سكر بودره .
  • كوبايه الا ربع سمنه .

 

طريقة التحضير

 

  1. نضع الكنافة في الفريزر قبلها بيوم , ونخرجها نفركها بأدينا .
  2. نضع عليها السمن والسكر ونقلبهم كويس .
  3. نضيف الكنافة في قوالب الكب كيك ونكبسهم كويس جدا .
  4. ونضهم في الفرن علي درجة حرارة 180 لمدة 20 دقيق .
  5. نخرجها من الفرن تسقي بالشربات وتزين بالكريم شانتي و المكسرات علي وجه الكبك كيك .

مكونات الشربات

 

  • 2 كوب سكر .
  • 1 كوب ماء .
  • نص لمونه . 

نضع جميع المكونات في اناء عميق ونتركهم 15 دقيقة ةيترك ليبرد .

 

طريقة عمل كب كيك صحي

المكونات 

 

  • 2 كوب شوفان مطحون .
  • 2 حبة موزة ناضجين .
  • ربع كوب حليب .
  • 6 معالق كبيرة عسل .
  • 6 معالق كبيرة زيت .
  • بيضتين .
  • معلقة صغيرة ممسوحة باكينج باودر .
  • نص معلقة صغيرة ممسوحة باكينج صودا .
  • رشة ملح .
  • نص معلقة صغيرة خل .
  • فانيليا .

طريقة التحضير

 

  1. افصلي الاول الصفار عن البياض و بتحطي ٣ معالق عسل على البياض و ٣ على الصفار .
  2. البياض بقى تحطي عليه رشة الملح و الخل و العسل و تضربيه لحد ما يتقل خالص و اما تقلبي الطبق ميقعش الصفار تحطي عليه العسل و تضربيه لحد ما يفتح شوية .
  3.  بعدين تنزلي عليه بالزيت زي الخيط اكنك بتعملي مايونيز و تضربي لحد ما يتقل , تنزلي عليه بعد كدا بالموز مهروس و متقلب مع الحليب و فانيليا طبعا .
  4. بعد كدا تحطي الشوفان و الباكينج باودر و الباكينج صودا و لو عايزة شوكولاتة او مكسرات او حتى تمر بس تكوني نقعاه قبلها تحطيهم حبة حبة و تقلبي براحة عشان الهوا ما يطلعش .
  5. بعد ما تخلصي تقلبي بياض البيض براحة خالص في الخليط و بعدين تحطيه في قالب الكب كيك .
  6. توضع في الفرن على درجة ١٨٠ لمدة من ١٥ ل ٢٥ دقيقة اهم حاجة متفتحيش عليه قبل ١٥ دقيقة عشان ما يهبطش .