طريقة عمل الدونتس ناجح

طريقة عمل الدونتس

المقادير 

  • 4 كوبايه ونص دقيق .
  • 1 معلقه كبيره خميره .
  • 6 معالق كبيره سكر .
  • 2 بيضه .
  • كوب حليب .
  • رشه ملح .
  • 3 معالق كبيره زبده بدرجه حراره الغرفه .
  • زيت للقلي .

طريقة تحضير الدونتس 

 

  1. هنجيب بوله نحط فيها الدقيق ورشه الملح وبعدين نعمل فتحه ف الدقيق نحط كوبايه اللبن عليها السكر عليها الخميره وندوبهم وبعدين نحط عليهم البيض .
  2. وندوبهم وبعدها نعجن ولما تلم كدا العجينه نحط الزبده ونعجن بيها كويس اوي لحد مالعجينه تبقي مالسه جدا اهم نقطه العجن
  3. طبعا لو عندنا عجان هنحط كل دا ونعجن ماعدا الزبده بردوا نحطها في الاخر .
  4. بعدها هنسيبها تتخمر كويس ساعه الا ربع او نص ع حسب الجو المهم تتخمر كوووويس اوي لازم تطلع برا البوله .
  5. بعدها هناخدها من غير منطلع الهوا منها براحه خالص علي سطح فيه دقيق كويس جدا بحيث لما نفردها ماتلزقش علي السطح .
  6. هنفردها ودي تالت تكايه نفردها بالراحه اوي ونخلي قطرها كبير شويه منعاملهاشً معامله البسكويت لازم تكون قطرها عقله ونص ويكون الهوا لسا فيها
  7. بعدها نقطعها بقطاعه الدوناتس او زي ماتحبوا .
  8. وننقلها علي ستاند فيه دقيق او صينيه ونسيبها تخمر ربع ساعه او لما حجمها يتضاعف بس علشان احنا ف حر اوي كفايا ١٠ دقايق .
  9. نكون مولعين النار علي زيت قبل مايسخن اوي نحط بقا ونوطي النار ع ال نص .
  10. دقيقه من كل جمب اهم حاجه يكون لونها حلو اصفر مايتحرقش .
  11. وبس نشيلها نحطها علي ورق زبده او مناديل مطبخ ,نسيبهم يبردوا ونبتدي نحط عليهم التوبينح زي ماتحبوا لوتس او شوكليت او كراميل .

 

نصائح لنجاح الدونتس

  1. الكوب المستخدم في المعاير يكون واحر لجميع المكونات .
  2. الدقيق المذكور بيكون عبارة عن 2 كوب كيك و 2 كوب دقيق عادي .
  3. تقطيع الدونتس لابد من انه يكون غير سميك وخفيف الحجم كما هو مذكور في طريقة التحضير  .
  4. المقادير المذكورة أعلاه تكفي لعمل 15 حبة دونتس .