طريقة عمل سويت اند ساور تشيكن

طريقة عمل سويت اند ساور تشيكن

اهم حاجة فى الاكلة دى يبقى عندك صويا صوص و كاتشب مفيش بدايل عنهم عشان تطلع مظبوطة .

المكونات

  • صدور فراخ متقطعة مكعبات .
  • ملح .
  • فلفل .
  • بابريكا .
  • دقيق .
  • بيض .
  • بقسماط .

طريقة التحضير

  1. يتم تتبيل الفراخ بالملح والفلفل و البابريكا وتترك جانبا لمدة مش اقل من ساعة .
  2. ثم نضعها فى دقيق و بعد كده بيض و بعد كده بقسماط و انزل بيها فى زيت غزير تاخد لون دهبى زى البانية و اطلعها .

صوص الفراخ 

المكونات

  • بصل .
  • جزر .
  • فلفل الوان .
  • 2 فص ثوم .
  • ربع كوب صويا صوص .
  • ربع كوب كاتشب .
  • 2 معلقة كبيرة خل .
  • كوب ماء .
  • 2 معلقة كبيرة نشا .
  • معلقة كبيرة سكر .

طريقة التحضير

  1. في طاسة فيها زيت اشوح فيها بصل و الجزر و الفلفل و فصين توم مفرومين  .
  2. ثم انزل عليهم بربع كوب صويا صوص و ربع كوباية كاتشب و معلقتين كبار خل .
  3. ثم انزل عليهم بكوباية مايه فاترة مدوب فيها معلقة نشا كبيرة و معلقة سكر و اقلب هيبدأ يتقل معايا انزل بالفراخ تاخد تقليبة و اغطيها تاخد غلوة واحدة و اقفل عليها و كده بقت جاهزة .

طريقة المكرونة 

المكونات

  • مكرونة .
  • ملح .
  • زيت .
  • مكعب ماجي .

طريقة التحضير

  1. معلقة كبيرة نشا بسلقها و بحط فى الماية ملح و زيت و مرقة دجاج و اول ما تتسلق باخد كوب من الماء بتاعة السلق و اسيبها ع جنب تبرد .
  2.  بعد ما تبرد بدوب فيها معلقة نشا كبيرة متحطوش النشا و الماية سخنة عشان هتكلكع .

 

صوص المكرونة 

المكونات 

  • جزر .
  • فلفل الوان .
  • 2 فص ثوم .
  • ربع كوب صويا صوص .
  • 2 معلقة كبيرة كاتشب .

طريقة التحضير

  1. فى حلة ع النار ضعي زيت و انزلي  بجزر و فلفل اخضر و فلفل الوان و فصين توم مفرومين و ضعي عليهم ربع كوب من الصويا صوص و معلقتين كبار كاتشب .
  2. و انزل عليهم بكوباية مايه سلق المكرونة اللى دوبنا فيها النشا و اقلب هيبدا يتقل معايا نحط بقى المكرونة و نقلب كويس و بالف هنا .