طريقة عمل الدوريتوس

أسهل وأسرع طريقه لعمل الدوريتوس في البيت نتسلي كلنا .

طريقة عمل الدوريتوس

المكونات

  • 4 معالق دقيق .
  • 3 معالق نشا .
  • 300 مللي مياه .
  • بيضه .
  • ثوم بودر .
  • بصل بودر .
  • زعتر ناعم .
  • بابريكا .
  • كاري .
  • ملح .
  • شطه ) اختياري ) .

(ممكن نزود وننقص مياه على حسب نوع الدقيق)

طريقة التحضير

  1. في بوله عميقه نضيف النشا مع الدقيق ونقلب ثم نضيف البيضة وماء نقلب جيدا ختي نحصل علي عجينة متجانسه .
  2. نعجنهم كويس ونزود التوابل ف الاخر .
  3. نفرد العجينة عن طريقة رشة خفيفة دقيقة ونفردها طبقة رقيقة .
  4. تقطع علي شكل مثلثات او دوائر كما تحب , وتخرم بالسكينة كي لا تنتفخ .
  5. يتم تسخين الزيت , وتقلي بها الدوريتوس .
  6. وممكن نضعه الفرن ف صنيه تيفال مدهون بزيت خفيف .

الدوريتوس بالذرة الصفرا

المكونات

  • 1 كوب دقيق ذرة اصفر و مهم يبقي اصفر .
  • نصف كوب دقيق ابيض عادي .
  • نصف معلقة صغيرة بيكينج باودر .
  • معلقه صغيره ملح .
  • ربع معلقه صغيره سكر .
  • ربع معلقة كركم .
  • نصف كوب ماء .
  • ربع.م بابريكا .
  • ربع.م زعتر .
  • توم باودر .
  • بصل باودر .
  • كاري .
  • شطه .

طريقة التحضير

  1. تقلبيهم جميع المكونات الجافة كويس و يبقي معاكي الماء دافيئ تنزلي علي الخليط بالتدريج و تقلبي براحه لحد ما العجينه تتلم شويه .
  2. بعدين تعجني بايدك لحد ما تمسك معاكي و انتي بتعجني ايدك تبقي مسحاها بالدقيق الاصفر عشان اللون ميروحش .
  3.  بعد ما عجينة الدوريتوس تمسك حلو غطيها و سيبها ترتاح من تلت ساعه ل نصف ساعه .
  4. بعدين اجيب الكاونتر و اعمل العجينه علي شكل رول كدا و اقطع الرول دا ل ١٠ قطع اكورهم و افردهم علي شكل دايره زي رغيف العيش بس سمكها رفيع جداً .
  5.  بجيب طاسه و احطها شويه علي نار متوسطه و ابدأ انزل بكل رغيف في الطاسه من غير زيت و لا اي حاجه لمده نص دقيقه علي كل ناحيه .
  6. و اللي اطلع من الطاسه يتحط علي فوطه مطبخ و يتغطي عليه عشان يفضل طري و مش ينشف .
  7. بعد ما اخلص ال١٠ رغيف و اطلعهم من الطاسه هدهن علي كل وش زيت زيتون او زيت عادي حسب الرغبه.
  8. و اقطع كل رغيف براحه علي ٨ مثلثات زي البيتزا كدا .
  9. و في صاج كبير او صينيه كبيره احط ورق زبده و ارص المثلثات المدهونه زيت جمب بعضها .
  10. بكون مشغله الفرن علي درجة حرارة ٢٢٠ و ادخل الصاج , مش بتاخد ١٠ دقايق و بيكون جاهز .
  11. لو في عندك اي بهارات ممكن تحطيها علي الوش او جبنه كيري في طبق و غمسي بقي .